HYUNDAI TRANS KAZAKHSTAN
Hyundai Trans Kazakhstan - Hyundai жеңіл автокөліктерін толық циклда өндіретін «Астана Моторс» компаниясының еншілес кәсіпорны.
Өндіріс қуаты – жылына 50 мың автокөлік. 2022 жылы зауыт 37 205 автокөлік, 2023 жылы 48 857 автокөлік шығарды. 2024 жылы 45 410 автокөлік өндірді. 2020 жылдан бастап кәсіпорын барлығы 165 595 автокөлік шығарды.
Hyundai Trans Kazakhstan Hyundai брендінің 8 моделі шығаралады: Tucson, Mufasa, Sonata, Elantra, Santa Fe, Palisade, Staria және Custin. 2024 жылы люкс санатындағы Genesis автокөліктерін шығаруға арналған желі де іске қосылды. Hyundai Accent, Hyundai Tucson модельдерін дәнекерлеу мен бояу (ұсақ түйінді өндіріс, CKD) әдісімен өндіру меңгерілді, ал 2025 жылдың наурызында Hyundai Santa Fe моделін шығару бойынша CKD өндірісі өз жұмысын бастайды.
Hyundai Trans Kazakhstan зауытындағы барлық операциялар Hyundai Motor Company компаниясының қатаң бекітілген технологиялық процес негізінде жүргізіледі. Әрбір автокөлік Hyundai халықаралық стандарттарына сәйкестігі бойынша тексеруден өтеді.
2023 жылғы қарашада «Астана Моторс» компаниясы өндірістік алаңдарды кеңейту және цехтарды жаңғырту жобасына кірісті. Жоба мақсаты негізгі процестерді автоматтандыру, дәнекерлеу мен бояу арқылы жаңа модельдер өндірісін бастау үшін шағын торапты өндірістің қуатын жылына 12 мыңнан 24 мың автокөлікке дейін ұлғайту.
Жаңа цех пен PDI (pre-delivery inspection/сату алдындағы дайындық) цехының құрылысын қамтитын жаңғыртудың бірінші кезеңі 2024 жылғы шілдеде аяқталды. Нәтижесінде Hyundai Trans Kazakhstan өндірісінің ауданы 6 мың шаршы метрге ұлғайды, ал зауыттың жалпы аумағын 40 мың шаршы метрге дейін кеңейді.
2025 жылдың қаңтар айынан 2025 жылғы наурызға дейін жоспарланған жаңғыртудың екінші кезеңі барысында кәсіпорында дәнекерлеу, бояу және құрастыру цехтары қайта жаңартылып, тағы бір модель – Hyundai Santa Fe-нің CKD өндірісі жолға қойылады.
Дәнекерлеу цехын жаңарту жоспарына 4 дәнекерлеу роботын, 111 дәнекерлеу пистолетін, автоматты конвейерін, автоматты шатыр айналмасын және Santa Fe моделі үшін дәнекерлеу кондукторын орнату кіреді. Жаңа қондырғы сағатына 7 шанақ шығаруға мүмкіндік беріп, бұл ретте әрбір шанаққа 45 ұсақ бөлшектерді дәнекерлеу мен 1624 дәнекерлеу жік нүктелерін жасауды орындай алады.
Бояу цехында цехтың өнімділігін екі есе арттыруға және сағатына 6,5 шанақты бояуға мүмкіндік беретін қосымша және жаңа жабдықтарды орнату жоспарлануда. Мұнда катафорезді және өндірістік учаскелерді қолдану желілері (герметик, мастика және жылтырату) жаңғыртылады, лак-бояу жабынын кептіруге арналған жаңа пеш орнатылады, бояу камерасы жаңғыртылады. Сонымен қатар, жапондық Yaskawa өндірушісінің 6 роботы және шанақтарды бояу желісіне беру үшін автоматты конвейер орнатылады.
Құрастыру цехын жаңарту оның өнімділігін сағатына 6 автокөлікке дейін екі есеге арттырады. Құрастыру желісінің ұзындығы 16-дан 27 құрастыру станциясына дейін артады. Шанақты тасымалдауға арналған EMS корпус аспалары бар автоматты конвейерлік желіні орнату жоспарланған. Шанақтарды бояу цехынан құрастыру цехына тасымалдау үшін AGV робот тартқыштары пайдаланылады.
Жаңғыртудың екінші кезеңі аяқталғаннан кейін зауытқа салынған инвестиция көлемі 48,5 млрд теңгені құрайды.
Бүгінгі күнге жұмыс орын саны – 1300. 2025 жылы Hyundai Trans Kazakhstan қызметкерлерінің штаты 1700 қызметкерге дейін өседі.
Тарихы
2020 жылғы 23 қазанда шанақтарды дәнекерлеу мен бояу, пластикалық бөлшектерді бояу цехтары, компоненттер қоймасы бар зауыт толыққанды іске қосылды. «Астана Моторс» Hyundai Trans Kazakhstan зауытын салу бойынша өзіне алған міндеттемелерін орындады және жобаны пандемия жағдайында бір жыл ішінде іске асырды. Жаңа өндірісте жабдықтарды монтаждау процесіне Оңтүстік Кореядан 120-дан астам инженер кезең-кезеңімен қатысты.
Hyundai Trans Kazakhstan жобасы Қазақстан Республикасы Өнеркәсіп және құрылыс министрлігі, Қазақстан Даму Банкі, Өнеркәсіпті дамыту қоры, Қазақстан Республикасы Сыртқы істер министрлігі, KazakhExport экспорттық сақтандыру компаниясы және Алматы қаласы әкімдігінің қолдауымен іске асырылды.
- «Tucson. Қазақстанда қалай жасалды» деректі фильмі: қазақ тілінде, орыс тілінде.
- Деректі фильмi «Шабыт толқынында: «Астана Моторс» 30 жасқа толды».